Tələbə həyatı

Tələbə həyatı

Bakı Ali Neft Məktəbi həyata keçirdiyi sosial-mədəni tədbirlər çərçivəsində gənclərin intellektual səviyyəsinin yüksəldilməsi, xüsusi istedadlı tələbələrin müəyyən edilməsi, onların bilik və bacarıqlarının effektli reallaşdırılması, ölkəmizin qloballaşan dünyaya inteqrasiyası kontekstində milli-mənəvi dəyərlərin qorunması, dövlətçilik ideologiyasının təbliği və vətənpərvərlik hisslərinin gücləndirilməsi istiqamətində fəal iş aparır. Ali Məktəbdə səliqə, intizam, dəqiqlik, özünə, həmçinin BANM ailəsinin bütün üzvlərinə hörmət və ehtiram əsas şüar, tələbələrin elmə marağının artırılması, korporativ mədəniyyətin formalaşdırılması, dünyagörüşlərinin zənginləşdirilməsi, sağlam düşüncə, özünəinam, tolerantlıq, tələbə-özünüidarəetmə strukturları fəaliyyətlərinin təkmilləşdirilməsinə davamlı dəstək, fərdi olaraq həyata keçirilən layihə və ideyalarının reallaşdırılması əsas hədəflərdəndir.

BANM tələbələri bu Ali Məktəbdə, respublika və beynəlxalq səviyyədə keçirilən müxətlif formatlı tədbirlərin, seminar, elmi-praktik konfrans, festival, forum, toplantı, sərgi və aksiyaların aktiv iştirakçılarıdır. Ali Məktəb davamlı olaraq intellektual yarışlar, müxtəlif formatlı müsabiqələr keçirir, tələbələri bir vətəndaş kimi formalaşdırmaqla yanaşı, fiziki hazırlığın profilləşməsini təmin edərək müxtəlif idman yarışları, turnirlər təşkil edir. BANM tələbələrin asudə vaxtlarının səmərəli təşkili üçün muzeylərə, qoruq və  mədəniyyət ocaqlarına, müxtəlif rayonlara səfərlər təşkil edir ki, bu da onların intellektual səviyyələrinin artmasına, vaxtdan səmərəli istifadəyə, kollektivçilik ruhunun güclənməsinə xidmət edir. Tələbələrin dərsdənkənar fəaliyyətlərində onların mahnı, rəqs, bədii qiraət, rəssamlıq, fotoqrafiya, aktyorluq və rejissorluq kimi bacarıqlarının inkişafı üçün müxtəlif tədbirlər keçirilir, tamaşalar nümayiş etdirilir. Azərbaycan Dövlət Akademik Milli Dram Teatrının səhnəsində ilk dəfə olaraq tələbələrimizin ifasında Azərbaycan dramaturgiyasının banisi, böyük mütəfəkkir, ictimai xadim Mirzə Fətəli Axundzadənin “Hekayəti-Müsyö Jordan və Dərviş Məstəli şah” komediyası əsasında iki hissəli tamaşanın və  Azərbaycan Dövlət Akademik Opera və Balet Teatrının səhnəsində dahi bəstəkar Üzeyir Hacıbəylinin “O olmasın, bu olsun” operettasının nümayişi onu göstərir ki, bu Ali Məktəb Azərbaycan üçün sadəcə mühəndislik sahəsində yüksəkixtisaslı mütəxəssislər deyil, həm də layiqli vətəndaşlar yetişdirməyə çalışır.

 

Tələbə Klubları və Təşkilatları

Ali Məktəbdə tələbələrin maraqlarının əhatə olunması, sosial problemlərinin həlli, onların asudə vaxtının səmərəli təşkili məqsədilə Tələbə Həmkarlar İttifaqı Komitəsi  və Tələbə Gənclər Təşkilatı nəzdində və müstəqil formada müxtəlif istiqamətli klublar fəaliyyət göstərir. Bu klublar tələbələrin asudə vaxtının səmərəli təşkili üçün münbit şərait yaratmaqla yanaşı, onların idarəetməyə cəlb edilməsi, təşkilatçılıq, təşəbbüskarlıq və yaradıcı fəaliyyətinin inkişafı üçün dəstək, müxtəlif yerli və beynəlxalq layihələrə qatılmaları, bilik və bacarıqlarını nümayiş etdirmələrinə təkan verir, müntəzəm olaraq xeyriyyə konsertləri, qocalar və uşaq evlərinə səfərlər, maarifləndirici təlim və seminarlar keçirir.

Tələbə Həmkarlar İttifaqı Komitəsi  və Tələbə Gənclər Təşkilatı

Bu təşkilatlar tələbələrin idarəetməyə cəlb edilməsi, təşkilatçılıq, təşəbbüskarlıq və yaradıcılıq qabiliyyətlərinin inkişafına dəstək verir.

Daha ətraflı
Neft Mühəndisləri Cəmiyyəti

Ali Məktəbdə fəaliyyət göstərən Neft Mühəndisləri Cəmiyyətinin əsas məqsədi tələbələrin müxtəlif yönlərdə inkişafını, onlar arasında təcrübə və bilgi mübadiləsini təmin etmək, ayrı-ayrı sənaye sahələrində çalışan peşəkarlarla görüşlər təşkil etmək və onların real iş prinsipləri ilə əyani tanışlığına nail olmaqdır. 

Daha ətraflı
Gənc Mühəndislər klubu

BANM-in Gənc Mühəndislər klubu orta məktəb (7-11-ci siniflər) şagirdlərinə gələcəkdə təhsillərini mühəndis ixtisasları üzrə davam etdirmək və karyera uğuru qazanmaq üçün peşəyönümlü biliklər vermək, ixtisas seçimində yardım göstərmək məqsədilə yaradılıb.

Daha ətraflı
İntellektual oyunlar klubu

Klub hər həftənin şənbə günü Ali Məktəb nümayəndələrinin təşkilatçılığı ilə intellektual oyun formatlı sinxron çempionat keçirir. İlin sonunda qalib komanda BANM tərəfindən mükafatlandırılır.

Daha ətraflı
Fizika klubu

Klub tələbələrin fizikaya marağını artırmaq, fənnin daha dərindən öyrənilməsinə yardımçı olmaq, asudə vaxtın səmərəli keçirilməsinə dəstək məqsədilə qurulub.

Daha ətraflı
Riyaziyyat klubu 

Riyaziyyat Klubunun (“BHOS Math Club”) əsas məqsədi gənclərin riyaziyyatı sevmələrini və daha dərindən öyrənmələrini təşviq etməkdir. 

Daha ətraflı
Kitab klubu

Bu klub tələbələrdə kitaba, bədii ədəbiyyata maraq artırmaq məqsədilə yaradılıb. 

Daha ətraflı
Debat klubu

Tələbələrin öz bacarıqlarını artırmağa, öyrəndiklərinin praktiki tətbiqinə hesablanmış turnirlərin nəticəsi olaraq ən aktiv üzvlər bu Ali Məktəbi Bakı Debat Forumunda təmsil edirlər.

Daha ətraflı
Danışıq klubu

Danışıq klubu (“Conversation Club”) Hazırlıq ilinin (Foundation) tələbələrinin ingilis dili səviyyələrinin inkişafına dəstək məqsədilə yaradılıb. 

Daha ətraflı
Rus dili klubu

Klub tələbələrin özünüinkişaf və rus dili bacarıqlarının artırılmasına şərait yaradır. 

Daha ətraflı
Proqramlaşdırma klubu

Klub tələbələrə proqramlaşdırma dilləri mövzusunda təlimlər keçir, bu sahədə onların bilik və bacarıqlarını inkişaf etdirir.

Daha ətraflı
Kino klubu

“Cinema club” tələbələrin ingilis dilində nümayiş edilən filmləri birlikdə izləyərək sözügedən dilin inkişaf etdirilməsinə, dünyagörüşlərinin artırılmasına dəstək verir. 

Daha ətraflı
Heyvanlara qayğı klubu

Sahibsiz heyvanlara dəstək məqsədilə yaradılmış Animal care club-ın üzvləri davamlı olaraq heyvan sığınacaqlarına baş çəkir, yemləmə aksiyaları keçirirlər.

Daha ətraflı
Musiqi klubu

Musiqiyə maraq və həvəsi olan istedadlı tələbələri öz ətrafına toplayan Klub Ali Məktəb daxilində keçirilən tədbirlərdə fəallıq nümayiş etdirir, universitetlərarası musiqi yarışlarına qatılır.

Daha ətraflı
Rəqs klubu

Rəqs bacarığı olan tələbələr mənsub olduqları Ali Məktəbi ölkədaxili və xarici yarışmalarda uğurla təmsil edir, doğma Vətənimiz üçün əlamətdar günlərlə bağlı təşkil edilən tədbirlərdə tamaşaçılara rəngarəng nömrələr təqdim edirlər.

Daha ətraflı
Teatr klubu

Bu klub teatra marağı olan tələbələrin vahid məkanda cəmlənməsinə və onların özünüifadəsinə peşəkar şərait yaradır. 

Daha ətraflı
Voleybol klubu

Voleybol klubu tələbələrin bu sahəyə olan marağını artırmaq istiqamətində fəal iş aparır.

Daha ətraflı
Stolüstü tennis klubu

Klubun əsas məqsədi tələbələrin stolüstü tennis bacarıqlarını inkşaf etdirmək, sosial aktivliklərini artırmaqdır.

Daha ətraflı
Futbol klubu

Ali Məktəbdə yaradılmış ilk tələbə klublarından olan Futbol klubu həvəskar tələbələrdən formalaşdırılıb.

Daha ətraflı
Şahmat klubu

Klub şahmata marağı olan tələbələri bir araya toplayır.

Daha ətraflı
Basketbol klubu

Klub basketbola marağı olan tələbələr üçün məşq dərsləri və turnirlər təşkil edir.

Daha ətraflı
Tennis klubu

Klubun əsas məqsədi tələbələrin stolüstü tennis bacarıqlarını inkşaf etdirmək və sosial aktivliklərini artırmaqdır.

Daha ətraflı
Üzgüçülük klubu

Klub tələbələrin sağlam həyat tərzi keçirmək, boş vaxtlarını səmərəli dəyərləndirmək məqsədilə yaradılıb.

Daha ətraflı