BANM məzunları

- BANM-i seçməkdə məqsədiniz nə idi? Universitet haqqında xüsusi qeyd etmək istədiyiniz təəssürat varmı?

Universitetə ​​qəbul olduğum il BANM indi də olduğu kimi , ən yaxşı universitet idi. Daha ətraflı məlumat üçün universtitet haqqında araşdırmalara başlamışdım və açıq qapı günündə ali məktəbi ziyarət etmişdim. BANM -in vəd etdiyi imkanlar (məsələn, ingilis dilində təhsil, xarici universitetlərin tədris materialları və s.) mənim üçün çox cəlbedici görünürdü. Mənim təcrübəmdə olduğu kimi , BANM-də alacağınız təhsil izə ixtisasınızın fərqli cəhətlərini göstərəcəyinə və maraq dairənizi təyin edəcəyinə şüpə etmirəm. Məsələn, ixtisasım Proseslərin avtomatlaşdırılması mühəndisliyidir, lakin hazırda quyuların tamamlanması üzrə mühəndis işləyirəm, çünki tələbəlik illərində "Neft və Qaz Texnologiyaları" fənnini keçmişəm ki, bu da karyera yolumu seçməyimə kömək etdi. Ən əsası, BANM -in hər zaman sizə kömək etməyə hazır olan son dərəcə bacarıqlı professorları var və şəxsən mən onların əksəriyyətindən böyük dəstək aldım.

- BANM-də təhsil aldığınız müddətdə öyrəndiyiniz ən böyük təcrübə nə olmuşdur? Bunu gündəlik həyatınızda necə tətbiq edirsiniz?

Əminliklə deyə bilərəm ki, bu vaxt idarəçiliyi və stresli vəziyyətlərlə mübarizədir. Düşünürəm ki, BANM-in vaxt mənim idarəçiliyində uğur qazanmağımda həqiqətən böyük bir rolu olub. Bir mövzunun/vəzifənin öyrənilməsinin nə qədər çətin olmasının əhəmiyyəti yoxdur, müəyyən bir zaman çərçivəsindı bunun öhdəsindən gəlməlisiniz. Zaman zaman daha davamlı və çevik iş tərzinə alışırsan. Dürüst olsam, işdəki öhdəliklərim mənə universitetdə olduğu qədər çətin görünmür.

- Bakalavrdan sonrakı təhsiliniz haqqında məlumat verə bilərsinizmi?

Mən hələ magistr təhsili almamışam.

- Hal-hazırki iş həyatınız barədə məlumat verə bilərsinizmi (vəzifə/şirkət/sahə)?

BANM -i bitirdikdən dərhal sonra BP -də quyu tamamlanması üzrə mühəndis kimi işə başladım. “Challenger” proqramını 2,5 il ərzində bitirdim (proqram 3 il ərzində tamamlanmalı idi). Azəri-Çıraq-Günəşli (AÇG) quyularının uğurlu və təhlükəsiz təhvil verilməsi üçün davamlı olaraq mühəndis olaraq dəstək verirəm.

- BANM -in sizi vəzifəyə yaxşı hazırladığını hiss edirsinizmi?

İnanıram ki, BANM -də təhsilin keyfiyyəti hazırda məşğul olduğum işin öhtəsindən asanlıqla və əminliklə gəlməyimi təmin edir.

- BANM-ə müraciət etmək istəyən tələbələrlə hər hansı bir ipucu və ya məsləhət bölüşmək istərdinizmi?

BANM -ə müraciət etməzdən əvvəl yaxşı oxumağı düşünün, amma inanın ki, uğurla məzun olduqdan sonra irəlidə çiçəklənən bir karyera yolunuz olacaq. Rektorumuz Elmar Qasımovun çox yaxşı söylədiyi bir ifadəni xüsusi olaraq vurğulamaq istəyirəm: "Məzun olduqdan sonra siz iş axtarmayacaqsınlz , iş sizi axtaracaq".