Tələbə həyatı

Təbiətə qayğı klubu

“Environmental Care Club” olaraq Ali Məktəbimizdən olan könüllü tələbələri də bu işə cəlb etməklə aylıq olaraq ətraf mühit problemlərinin həllinə yönələn layihələr keçirmək, digər dövlət qurumları tərəfindən keçirilən tədbirlərdə istər təşkilati dəstək olaraq, istərsə də tələbə könüllülərimizi cəlb edərək Baki Ali Neft Məktəbini bu cür dünyəvi problemlərin həllinə yönələn faydalı tədbirlərdə rəsmi olaraq təmsil etməkdir. Layihələr, əsasən, yenidən emalın dəstəklənməsi və ətraf-mühitlə bağlı problemlərdə fərqindəliyin artırılmasına yönəlmişdir. Klub yalnızca ətraf mühitin qorunması ilə bağlı tədbirlərinin keçirilməsi ilə yetinməyib, eyni zamanda Ali Məktəbimizin tələbələrinin sosiallığını artırmağı qarşısına məqsəd qoyub. Keçirilmiş aksiyalar və tədbirlər çərçivəsində digər könüllülərlə dostluq və sıx münasibət qurmuş tələbələrimiz də müəyyən zaman sonra komandalarla iş və ünsiyyət bacarıqları daha da inkişaf edəcəkdir. Bütün bunlarla yanaşı hər sahədə yenilikçi olan Ali Məktəbimiz bu mövzuda da ölkədə ətraf mühitin qorunması ilə bağlı xüsusi aksiyalar və maarifləndirmə tədbirləri keçirən yeganə təhsil ocaqlarından biri olacaqdır.