Tələbə həyatı

Kəşfiyyatçı geofiziklər klubu

Kəşfiyyatçı Geofiziklər Cəmiyyəti (SEG) geofizika elmi və onun bir qolu olan geoloji kəşfiyyat sahəsinin tanıdılması ilə bağlı fəaliyyət göstərən cəmiyyətdir. Cəmiyyət, təbii ehtiyatların araşdırılaraq tədqiqatı ilə yanaşı yer səthinin xarakterizə edilməsi və yer planetinin torpağı ilə bağlı təhlükələrin aradan qaldırılması üçün ekspertiv və etik tətbiqetmələri təşviq edir. Ali məktəbimizdə Kəşfiyyatçı Geofiziklər Cəmiyyətinin tələbə bölməsi (SEG BHOS Student Chapter) 2017-ci ildə yaradılmışdır və yarandığı gündən bəri tələbələrin geofizika, geologiya, geomexanika və digər əlaqəli sahələrdə bilik və bacarıqlarını inkişaf etdirmək üçün vebinarlar, silsilə sessiyalar, sahə turları və yarışlar təşkil etməyə davam edir. Hazırda da təşkilatın tələbə bölməsi yeni heyətlə fəaliyyət göstərir və sözügedən tədbirlərin keçirilməsinə davam edir.