Tələbə Həmkarlar İttifaqı Komitəsi və Tələbə Gənclər Təşkilatı

BANM TGT-

Bakı Ali Neft Məktəbi Tələbə Gənclər Təşkilatı. Azərbaycan Tələbə Gənclər Təşkilatları İttifaqının  tərkibinə daxil olan tələbə təşkilatıdır. BANM TGT-nin  sədri 2 il müddətinə seçilir. Seçki ATGTİ-nin nümayəndəsi və BANM-nin nümayəndəsinin iştirakı ilə keçirilir.  Bakı Ali Neft Məktəbi Tələbə Gənclər Təşkilatı Tələbələrin elm, sosial və ictimai həyatda iştirakçılığını təmin edir, tələbələrin asudə vaxtlarının səmərəli təşkilini, maarifləndirmə işlərinin aparılmasını, tələbələrin idarəçilikdə işini təşkil edir.    Azərbaycan Gənclər Fondunun fərdi qrand müsabiqələrində və ATGTİ-nin yarış tədbirlərində tələbələrin iştirakını dəstəkləyir.

BANM THİK-

Bakı Ali Neft Məktəbi Tələbə Həmkarlar İttifaqı Komitəsi, Neft və Qaz Sənayesi İşçiləri Həmkarlar İttifaqı Respublika Komitəsinin tərkibində fəaliyyət göstərir. THİK-nin sədri 2 il müddətinə seçilir. BANM THİK-nin əsas fəaliyyət istiqamətləri tələbələrin asudə vaxtlarının səmərəli təşkili, tələbələrin pis vərdişlərə qarşı maarifləndirmə işləri, mədəniyyət və incəsənət sahəsində tədbirlərin təşkili, idman yarışlarının keçirilməsində təşkilatçılıq edir. Universitet tələbələri arasında bədii yaradıcılıq, idman yarışlarında iştirakçılığı təmin edir.