Xəbərlər

Bakı Ali Neft Məktəbində (BANM) EBSCO şirkətinin regional meneceri İrina Kreytsarova və EBSCO  İnformasiya Xidmətlərinin Rusiya  və MDB ölkələri üzrə təmsilçisi Tamila Mirkamalovanın (Çexiya, Praqa) təqdimatlarında BANM-in heyəti üçün təlim keçirilib.

 

Təlimdə  Tamila Mirkamalova  EBSCO Discovery Xidmətinin  xüsusiyyətləri və Ali Məktəbə məxsus elektron kitablar mövzusuna toxunub. Təlim zamanı  EBSCO Discovery Xidməti bazasında  abunə olunmuş tammətnli elektron resusrların elmi tədqiqatlarda və tədris prosesində istifadə  olunması, istifadə olunan materiallaran müxtəlif istinad üslubları və digər xidmətlər  iştirakçılara nümayiş etdirilib.

 

İrina Kreytsarova isə EBSCO Informasiya Xidmətlərinin bir hissəsi olan Analytics Plum ™ adlı yeni sistemi təlim iştirakçılarına nümayiş etdirdi. Analytics Plum ™ İnternetdə yerləşdirilmiş istənilən formada olan elmi nəşrləri izləmək  imkanı verən və  xüsusi alətlər vasitəsilə ənənəvi istinad olunma göstəricilərini əhəmiyyətli dərəcədə gücləndirmək  imkanı yaradan sistemdir. Bu məhsul aparılmış tədqiqat haqqında daha ətraflı məlumat əldə etməyə  və bu tədqiqatların müxtəlif qrup istifadəçilərin: tədqiqtaçılar, kitabxanaçılar, administrator və sponsorların işinin effektivliyinə nə dərəcədə təsir etdiyi barədə sualları cavablandırmağa imkan verir.

 

Qeyd edək ki, EBSCO şirkəti müxtəlif profilli elektron resusrların qlobal  təchizatçısıdır.