Xəbərlər

Məşhur astronavt və Ay tədqiqatçısı Bakı Ali Neft Məktəbində

Azəbaycanın ev sahibliyi etdiyi 74-cü Beynəlxalq Astronavtika Konqresi çərçivəsində Bakıda olan “OffWorld” şirkətinin Avropa üzrə icraçı direktoru, Ay tədqiqatçısı Kyle Acierno və kosmosa səyahət etmiş ilk misirli, ərəb qadın astronavt, “Deep Space Initiative” qeyri-kommersiya təşkilatının Baş icraçı direktoru Sara Sabri Bakı Ali Neft Məktəbinin qonağı olub.

Kosmik mədən avadanlıqlarının, robotların istehsalını həyata keçirən “OffWorld” şirkətinin regional rəhbəri BANM tələbələri üçün təqdimat keçirib. Təqdimatda şirkət barədə məlumat verərək onun strategiyası, gələcək planları, robotların istifadə sahələri, Ayda hasilat, su istehsalı, şirkətdə təcrübə imkanlarından bəhs edib. BANM-in kampusu ilə tanış olan  Kyle Acierno tələbələrin suallarını cavablandırıb və qeyd edib ki, Ali Məktəbin tələbələri çox savadlıdırlar.

Astronavt Sara Sabri isə kosmosa səyahət, bu sahəyə marağından, Aydakı təcrübəsindən danışıb, kosmik missiyası ilə bağlı təcrübələrini tələbələrlə bölüşüb, bu sahəyə marağı olan tələbələrə tövsiyələrini verib.

Qonaqlar tələbələrin çoxsaylı suallarını cavablandırıblar.