Xəbərlər

Bakı Ali Neft Məktəbində TEDx keçirilib

Bakı Ali Neft Məktəbi TED layihəsinin lisenziyalı "TEDx Khatai Street" tədbirinə evsahibliyi edib.

"Üfüqlərinizi genişləndirin" şüarı ilə keçirilən tədbirin açılışında BANM-in rektoru Elmar Qasımov çıxış edərək Ali Məktəbdə 3-cü dəfə TEDx tədbirinin keçildiyini qeyd edib. O, bu tədbirdə də müxtəlif sahələri təmsil edən, uğurlu hekayələri olan spikerlərin çıxışlarının maraqlı, yaddaqalan olacağına və iştirakçıların maraqlı gün keçirəcəyinə əminliyini bildirib.

Moderatorluğunu təşkilatçı Samuel Mahmudlunun icra etdiyi tədbirdə 7 spiker çıxış edib.

Elm və Təhsil Nazirliyinin İctimaiyyətlə əlaqələr sektorunun müdiri Cəsarət Valehov, millət vəkili Etibar Əliyev, aktyor və ssenarist Fərda Amin, Elm və Təhsil Nazirliyinin Ümumi təhsilin təşkili və idarə olunması sektorunun müdiri Fuad Qarayev, "Ekvita" şirkətinin təsisçisi və direktoru İlqar Mehti, Dövlət Məşğulluq Agentliyinin İdarə Heyəti sədrinin müşaviri Kamil Bayramlı, təhsilin idarə olunması üzrə mütəxəssis Qoşqar Məhərrəmov innovativ və motivasiyaedici çıxışlar ediblər.

Onlar "İnsan necə dəyişir?", "Kitabı necə oxuyaq?!", "Qəlbinin səsini dinlə", "İstedadı kəşf edək", "Peşəkar yetkinlik: gənclərin uğurlu karyerasının təməli", "Adamın adamı olar", "Gəlin, lap başa qayıdaq" mövzusunda çıxış ediblər.

#BANM #BHOS #SOCAR #TEDx #TEDTalk #tedxkhataistreet