Xəbərlər

Bakı Ali Neft Məktəbi Qazaxıstanın Atırau Neft-Qaz Universiteti ilə əməkdaşlıq edəcək

Bakı Ali Neft Məktəbinin (BANM) rektoru Elmar Qasımov Qazaxıstanın Atırau Neft-Qaz Universitetinin rektoru Gülzadə Şakulikova ilə görüşüb. Görüşdə iki ali məktəb arasında müvafiq sahələr üzrə Anlaşma Memorandumu imzalanıb. Həmçinin 2022/2023-cü tədris ilinin payız semestrində müvafiq ixtisaslar üzrə tələbə mübadiləsinin həyata keçirilməsi barədə razılıq əldə olunub.

Rektorlar eyni zamanda iki universitet arasında tələbə və professor-müəllim heyətinin mübadiləsi, Neft-qaz və enerji sektorunun digər istiqamətlərində qarşılıqlı maraq doğuran sahələrdə birgə elmi-tədqiqat layihələri barədə fikir mübadiləsi aparıblar. Görüşdə Xəzər dənizinin ekologiyası ilə bağlı beynəlxalq layihələrdə birgə təşəbbüslərlə çıxış etmək barədə məsələlər də müzakirə edilib.

Atyrau Oil and Gas University named after Safi Utebayev

#BANM #BHOS #SOCAR #cooperation