Bakalavriat

Ümumi məlumat

Kimya mühəndisləri xammal və ara kimyəvi maddələri enerji sərfəli, ekoloji cəhətdən təmiz və qənaətli yollarla daha faydalı məhsula çevirmək üçün proseslər dizayn edirlər. Əlavə dəyərli məhsulların əldə edilməsi prosesi üzərində işləyərkən kimya mühəndisləri eyni zamanda qlobal mənbələrin idarə olunmasına, ətraf mühitin qorunmasına və sağlamlıq və təhlükəsizlik standartlarına cavab verməyə kömək edirlər. Kimya mühəndisliyi kafedrası 2013-cü ildə Bakı Ali Neft Məktəbində yaradılıb.

Kafedra kimya mühəndisliyi üzrə bakalavr, magistr və doktorantura səviyyəsində təhsil təklif edir. Bakalavr və magistr proqramları Heriot-Watt Universitetinin (Şotlandiya, İngiltərə) tədris proqramına əsaslanır. Bakalavr səvviyəsi üzrə təhsil alan tələbələr ilk ildə İngilis dili və İKT təhsillərini müvəffəqiyyətlə başa vurduqdan sonra dörd illik kimya mühəndisliyi proqramına cəlb olunurlar. Hər il təqribən 250 tələbə kimya mühəndisliyi ixtisasın  bakalavr və magistr pillələrində təhsil alırlar.

Təhsil müddətində tələbələr Kimya Mühəndisliyi Kaferdrasının laboratoriyalarında təcrübələr apararaq nəzəri biliklərini tətbiq edirlər. 

Qazanılan nəticə

  • Mühəndislik problemlərini müəyyənləşdirmək, formalaşdırmaq və həll etmək bacarığı.
  • Peşəkar və etik məsuliyyətin anlayışı.
  • Səmərəli ünsiyyət qurma bacarığı.
  • Mühəndislik həllərinin qlobal, iqtisadi, ətraf mühit və cəmiyyət baxımından təsirini anlamaq üçün lazım olan geniş təhsil.

 

 

Laboratoriyalar

Kimya mühəndisliyi kafedrasının nəzdində yeddi laboratoriya fəalliyət göstərir. Onlardan  ikisi emal sənayesi A,  ikisi ayrılma prosesi A, biri kimyəvi reaksiya mühəndisliyi və ikisi elmi tədqiqat laboratoriyalarıdir. Bu laboratoriyalarda "Kimya mühəndisliyi" və "Neft və qaz mühəndisliyi" ixtisasları üzrə oxuyan tələbələr üçün laboratoriya dərsləri keçirilir.

Bakalavr səviyyəsində təhsil alam  ikinci kurs tələbələri ümumilikdə 6 laboratoriya təcrübəsi keçir,  hər semestrdə A və B prosesləri üzrə 3 laboratoriya təcrübəsi. Ayrılma Prosesləri A və Kimyəvi Reaksiya Mühəndisliyi Laboratoriyaları Almaniyanın GUNT şirkəti tərəfindən hazırlanmış yüksək texnoloji avadanlqla  təchiz olunmuşdur. Bu laboratoriyalar Kimya Mühəndisliyi ixtisası üzrə təhsil alan 4-cü kurs tələbələri üçün A və B Ayrılma Prosesləri, Kimyəvi Reaksiya Mühəndisliyi və Çox fazalı Termodinamikada laboratoriya dərsləri keçirmək  üçün istifadə olunur. Bu bölmələr, "Kimya Mühəndisliyi" ixtisası üzrə təhsil alan  dördüncü kurs tələbələri üçün "Ayrılma Prosesləri A", "Ayrılma Prosesləri B", "Kimyəvi Reaksiya Mühəndisliyi" və "Çox Fazlı Termodinamika" kursları çərçivəsində  laboratoriya sessiyaları keçirmək üçün istifadə olunur.

 

 

Təcrübə və iş imkanları

Universitetin proqramının siyasətinə əsasən, tələbələr tədris planı çərçivəsində yay təcrübəsi zamanı neft və qaz sənayesində fəaliyyət göstərən müxtəlif zavodlara və şirkətlərə göndərilir. Bu zavodlarda tələbələr kimyəvi proseslər, müəssisələrin istismarı, texnoloji qaydalar, idarəetmə sistemləri, sağlamlıq, təhlükəsizlik və ətraf mühitin qorunması qaydaları haqqında məlumat əldə edirlər.

İlk öncə, birinci kurs tələbələri SOCAR-ın Təlim, Tədris və Sertifikatlaşdırma İdarəsinin İnsan Həyatının Mühafizəsi üzrə Təlim Mərkəzində keçirilən tədbirlərdə iştirak edirlər. İkinci kursdan etibarən isə tələbələr universitetin yaxın əməkdaşlıq etdiyi müxtəlif şirkətlərdə təcrübə keçmək üçün yay məktəblərində iştirak edirlər.

Azərikimya İB, SOCAR Metanol Zavodu, SOCAR Karbamid Zavodu, H.Əliyev Neft Emalı Zavodu, SOCAR Polimer, SOCAR-ın "Neft və Qaz Tədqiqat Layihəsi" İnstitutu kimi müxtəlif müəssisələrdə kimya mühəndisliyi ixtisası üzrə təhsil alan tələbələr üçün yay təcrübələri və sahə gəzintiləri təşkil olunur. Kimya mühəndisliyi şöbəsinin əməkdaşları da bu prosesdə tələbələrlə birlikdə iştirak edirlər