Xəbərlər

          Heriot-Vatt Universitetinin rektoru professor Riçard Vilyams Bakı Ali Neft Məktəbinin (BANM) rektoru Elmar Qasımova Ali Məktəbin yeni kampusunun açılışı münasibəti ilə təbrik məktubu ünvanlayıb. Məktubda deyilir: “Heriot -Vatt Universitetinin professoru Con Fordun mərasimdə iştirakına və Azərbaycan Respublikasının Prezidenti cənab İlham Əliyevlə görüşünə görə Sizə minnətdarlığımızı bildiririk. Həmin görüş BANM və Heriot-Vatt Universiteti arasında fəxr etdiyimiz tərəfdaşlığımızın və Azərbaycanla gələcəkdə uzunmüddətli fəaliyyətimizin vurğulanması üçün əla fürsət olmuşdur. Mən 10 iyul tarixində keçiriləcək ilk məzun mərasimini səbirsizliklə gözləyirəm və Sizi bir daha görməyə şad olardım. Bir daha Sizi kampusun açılışı münasibəti ilə təbrik edirəm”.