Xəbərlər

Azərbaycan Respublikası Prezidenti yanında Gənclər Fondunun dəstəyilə icra olunan “Mən bir ağac əkmişəm” layihəsi uğurla davam etdrilir. Layihənin ilkin mərhələsində SOCAR Bibiheybət NQÇİ ərazisində ayrılmış sahədə layihə iştirakçıları olan gənc tələbələr tərəfindən 200 ədəd şam ağacı əkilmişdir. Layihə çərçivəsində Azərbaycanda və dünyada ətraf mühitin mühafizəsi, sənaye sahələrinin ətraf mühitə təsiri və mənfi təsirlərin aradan qaldırılması məqsədilə görülən işlər barədə təlimlərə başlanılmışdır.

 

“Mən bir ağac əkmişəm” layihəsi çərçivəsində ilk təlim 03.12.2016-cı il tarixində Bakı Ali Neft Məktəbində təşkil olundu. İlk seminarı giriş sözü ilə açan layihə rəhbəri Ə.Bəylərli iştirakçılara layihə barədə və layihə çərçivəsində nəzərdə tutulan təlimlər barədə məlumat verdi. Daha sonra AMEA-nın Botanika İnstitutunun Təhsil şöbəsinin müdiri və Qafqaz Universitetinin müəllimi Rəşad Səlimov “Azərbaycanda bitki müxtəlifliyinin öyrənilməsi: AMEA Botanika İnstitutunun təcrübəsi və bu istiqamətdə görülən işlər” mövzusunda çıxış etdi. Tələbələrə Azərbaycan Respublikasının bitki örtüyünün mühafizəsi sahəsində görülən işlər və AMEA-nın Botanika İnstitutunda yaradılan elektron sistemlər və həmin sistemlərin üstünlükləri barədə məlumat verdi. 

 

Layihə çərçivəsində növbəti təlimlər AMEA-nın Botanika bağında, Zoologiya muzeyində və BANM-da davam etdiriləcək.