Xəbərlər

Bakı Ali Neft Məktəbinin 60 nəfər tələbəsi mayın 1-də Heydər Əliyev Fondunun təşəbbüsü ilə keçiriləcək "Bakı Marafonu 2016" yarışına qoşulacaqlar. Marafonda tələbələr digər iştirakçılar ilə birgə 21 kilometrlik məsafəni qətt edəcəklər. Dövlət Bayrağı Meydanından start götürəcək marafon Bakı Olimpiya Stadionunda başa çatacaq.

 

Marafonda 1-ci yerin qalibi 3000 AZN, 2-ci yerin qalibi 2000 AZN, 3-cü yerin qalibi isə 1000 AZN mükafata sahib olacaq.

 

Qeyd edək ki, tədbirin əsas məqsədi Azərbaycanda idmanın inkişafına dəstək göstərmək, insanlar arasında, xüsusilə gənclərdə sağlam həyat tərzini təşviq etmək, onları xeyirxah məqsədlər naminə bir araya gətirməkdir. İdman tədbiri olmaqla yanaşı, marafon yarışları həm də xeyriyyə məqsədilə təşkil edilir.