Xəbərlər

BANM Energy4me Proqramı vasitəsilə gələcək mühəndisləri ruhlandırır

SOCAR-ın Bakı Ali Neft Məktəbi (BANM) “SPE BHOS Student Chapter” (BANM Neft Mühəndisləri Cəmiyyəti) tərəfindən həyata keçirilən “Energy4me” proqramı vasitəsilə müsbət təsir göstərir. Bu yaxınlarda komanda ali təhsil və karyera imkanları haqqında fikirlərini bölüşərək gələcək nəsil mühəndisləri ruhlandırmaq üçün Fizika, Riyaziyyat və İnformatika Liseyi və Kaspi Liseyi kimi orta məktəblərdə olub.

Tələbələri səmimi qarşılayan Energy4me komandası onlara bu münasibətlə xüsusi hədiyyələr təqdim edib. Seanslar interaktiv olub və tələbələr BANM-in həyatı, təklif olunan müxtəlif ixtisaslar və BANM təhsili ilə bağlı mövcud imkanlar haqqında məlumat əldə ediblər. Komanda ali təhsilin dəyərini vurğuladı və tələbələrə fərdi maraqlara əsaslanaraq düzgün akademik yolun seçilməsi ilə bağlı məsləhətlər verib.

Diqqət çəkən məqamlardan biri tələbələrin universitet həyatı, karyera perspektivləri və BANM-dəki kurslar haqqında suallar verərək fəal iştirak etdiyi canlı sual-cavab sessiyası oldu. BANM nümayəndələri tələbələrin gələcək seçimləri ilə bağlı faydalı cavablar verdilər. Proqram həmçinin tələbələri SPE icması ilə tanış edib, onların seçdikləri universitetdən asılı olmayaraq mövcud resurslar və dəstək haqqında məlumatlı olmasını təmin edib.

Energy4me proqramın içra olunması nəticəsində orta məktəb şagirdlər arasında mühəndislik və əlaqəli sahələrə dair güclü maraq və həvəs yaranıb. BANM və yerli ictimaiyyət arasında əlaqələr qurmaq və Azərbaycan gəncləri arasında təhsilin inkişafına kömək etmək üçün daha çox səfərlər planlaşdırılır.