Xəbərlər

BANM tələbəsi Mannheimer təqaüdünün yeganə qalibi oldu

SOCAR-ın Bakı Ali Neft Məktəbinin (BANM) İnformasiya təhlükəsizliyi ixtisasının IV kurs tələbəsi Elmir Hacızadə Almaniyada keçirilən “International Youth Meeting 2024”də iştirak edib.

Elmir Mannheimer təqaüdünün yeganə qalibi olaraq, Dachau şəhərinin icra orqanları tərəfindən dünyada yalnız bir iştirakçıya verilən bu mükafatı qazanıb.

Tədbir zamanı Elmir Hacızadə Azərbaycanın tarixi, mədəniyyəti, milli musiqisi və adət-ənənələri haqqında çıxışlar edib. Bu çıxışlar dünyanın müxtəlif ölkələrindən olan gənclər tərəfindən böyük maraqla qarşılanıb.

Proqram çərçivəsində tələbəmiz Bavaria vilayətinin parlament üzvləri ilə görüşlərdə də olub.