Xəbərlər

BANM əməkdaşları Banqkokda keçirilən konqresdə iştirak ediblər

SOCAR-ın Bakı Ali Neft Məktəbinin (BANM) Keyfiyyətin təminatı şöbəsinin rəisi Güldanə Hidayətli və şöbənin böyük metodisti Aysel Rzayeva Tailand Krallığının paytaxtı Banqkok şəhərində keçirilən “Qlobal Davamlı İnkişaf Konqresi”də iştirak ediblər.

Azərbaycan Respublikası Elm və Təhsil Nazirliyinin dəstəyi, eləcə də Elm və Ali Təhsil üzrə Dövlət Agentliyinin təşkilatçılığı ilə BANM konqres çərçivəsində Azərbaycan pavilyonunda təmsil olunub.

Konqres “Times Higher Education” (THE) beynəlxalq reytinq agentliyinin təşəbbüsü ilə baş tutub. Dünyanın 100-dən çox ölkəsindən 3000-dən artıq qlobal lider və innovator “Davamlı inkişaf” ilə bağlı müzakirələrə qoşulub.