Xəbərlər

Bakı Ali Neft Məktəbinə qəbul olan abituriyentlərin nəzərinə!

05.09.2023-cü il tarixində saat 11:00-da bakalavriat səviyyəsi üzrə ali təhsil müəssisələrinə qəbul olanlar üçün qeydiyyat prosesinə başlanılır. Abituriyentlər 14 sentyabr saat 18:00-dək https://portal.edu.az/ sistemindən qeydiyyatdan keçməlidirlər. Portalda qeydiyyat zamanı yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır.

Portala aşağıdakı sənədlər yüklənilməlidir:

1. Attestat (kollec və ya ali təhsil müəssisəsinin məzunları üçün həmin təhsil müəssisəsini bitirmələri haqqında diplom və ya arayış)

2. İlkin hərbi qeydiyyata alınma haqqında vəsiqə (oğlanlar üçün)

3. Təhsil haqqı güzəşti və təhsil haqqından azad olunmaq barədə sənəd

Portal üzərindən qeydiyyatı uğurla tamamladıqdan sonra aşağıdakı sənədlər fiziki olaraq BANM-in Xətai korpusunda təqdim edilməlidir:

Attestatın əsli
Şəxsiyyət vəsiqəsinin surəti (2 nüsxə)
Abituriyentin bakalavr pilləsinə daxil olduğunu təsdiqləyən arayış (DİM-in saytından çıxarış)
Sağlamlıq haqqında 086 №-li formada arayış
3x4 sm ölçüdə rəngli 4 ədəd şəkil
Tərcümeyi-hal
Sosial güzəşt kateqoriyasına daxil olan abituriyentlərin müvafiq sənədlərinin (məcburi köçkünlük, əlillik və.s haqda) notarial qaydada təsdiqlənmiş surəti ^*
Təhsil haqqı ödənişinin qəbzinin surəti
Hərbi biletin surəti və çağırışçı vəsiqəsinin surəti (oğlanlar üçün)
18 yaşına çatmamış abituriyentlərin valideynindən birinin (qəyyumunun) şəxsiyyət vəsiqəsinin surəti (təqaüd kartı üçün)