Xəbərlər

Bakı Ali Neft Məktəbinin ixtisaslararası futbol çempionu müəyyənləşib

Bakı Ali Neft Məktəbinin (BANM) ənənəvi ixtisaslararası mini futbol turnirinin final oyunu keçirilib.

Finalda Neft-qaz mühəndisliyi ixtisasının V və IV kurs tələbələri üz-üzə gəliblər.

Final oyununun açılışını Ali Məktəbdə qonaq olan və rektor Elmar Qasımovla görüşən “Halliburton” şirkətinin Xəzər regionu üzrə vitse-prezidenti Greame Taylor və İnsan resursları meneceri Vüsalə Əkbərova da izləyib.

Açılışda çıxış edən Ali Məktəbin rektoru Elmar Qasımov tələbələri təbrik edib və onlara uğurlar arzulayıb.

Oyunun əsas hissəsi 4:4 hesabı ilə yekunlaşıb. Əlavə olunmuş hissədə hesab dəyişməyib. Penaltilərdə isə V kurs tələbələri 6:5 hesabı ilə qalib gələrək çempion adını qazanıblar.

#BANM #BHOS #minifutbol #çempion #neftqazmühəndisliyi