Xəbərlər

Bakı Ali Neft Məktəbində 12 saatlıq musiqili turnir keçirilib

Bakı Ali Neft Məktəbində (BANM) Ali Məktəbin İntellektual Oyunlar Klubunun (İOK) təşkilatçılığı ilə “10-cu Simfoniya” adlı musiqili intellektual turnir keçirilib. Turnirin açılışında çıxış edən BANM-ın rektoru Elmar Qasımov komandaları salamlayıb və uğurlar arzulayıb.

Musiqili intellektual turnirdə 40 komanda iştirak edib. Budəfəki turnir 12 saat davam edərək bir ilkə imza atıb. Turnirdə I yeri “Masters of Music”, II və III yerləri müvafiq olaraq “Dırırım” və “Tropical Monkeys” komandası qazanıb.

Turnirinin təşkilatçıları və sual müəllifləri BANM İntellektual Oyunlar Klubunun İdarə Heyətinin üzvləri Hüseyn Abızadə, Yusif Hüseynzadə, Əsmər Şixəmirli, Asiman Həmzəyev və Əli Məmmədli olub. Eyni zamanda Əlicavad Sadıxzadə, Rövşən Aslan və Kaan Maden turnirin keçirilməsinə dəstək olublar.

#banm #bhos #intellektualturnir #SOCAR