Xəbərlər
Prezident təqaüdçülərimizi tanıyaq❗️
Ziya Məlikov – 692.3 bal.
İnformasiya təhlükəsizliyi ixtisası
Bakı Ali Neft Məktəbinin Prezident təqaüdünə layiq görülən 31 tələbəsindən biridir.
Ziya Sumqayıt şəhər Təbiət Elmləri Təmayüllü Gimnaziyanı qızıl medalla bitirib.
O, qəbul imtahanlarında Sumqayıt şəhəri üzrə ən yüksək bal toplayan abituriyentdir. 10 və 11-ci siniflərdə Riyaziyyat üzrə Respublika fənn olimpiadasının qalibi olub.
Ziya bildirir ki, fənn olimpiadalarının qalibləri imtahansız universitetə daxil olmaq imkanına malik olsalar da, məhz arzuladığı ixtisasda təhsil almaq və Prezident təqaüdünə layiq görülmək üçün qəbul imtahanlarına qatılıb: “Hazırda texnologiya çox sürətli inkişafdadır. Bakı Ali Neft Məktəbini seçməyimin də əsas səbəbi Azərbaycanda mühəndislik sahəsi üzrə ən yaxşı təhsil verən ali məktəb olmasıdır. BANM-in istər təhsilin keyfiyyəti, istərsə də maddi-texniki bazasına görə yüksək səviyyədə olması bu seçimi etməyimdə başlıca amillərdəndir”.