Xəbərlər

Aqrar Universitetin rektoru vəzifəsini icra edən Zəfər Qurbanova BANM ailəsi adından

Əziz Zəfər müəllim,

Yeni tədris ilində artıq bir neçə gündür ki, Azərbaycan Dövlət Aqrar Universitetinin rektoru vəzifəsini icra edirsiniz. Sizin yeni təyinatınız Bakı Ali Neft Məktəbi üçün böyük etimaddır.

BANM-də çalışmağa başladığınız gündən istər Mühəndislik fakültəsinin dekanı, istərsə də prorektor kimi fəaliyyətinizdə hər zaman peşəkarlığınız, səmimiyyətiniz, məsuliyyətiniz, tələbələr, professor–müəllim və administrativ heyətə olan münasibətinizlə seçilmisiniz.

Siz bizim üçün BANM ailəsinin sevimli üzvü olaraq qalacaqsınız. Əminik ki, Aqrar Universitet sizin rəhbərliyinizlə yeni bir dönəmə qədəm qoyacaq, inkişafının yeni mərhələsini yaşayacaq. Sizin oradakı hər bir uğurunuz həm də bizim uğurumuzdur. Siz peşəkar mütəxəssis olmaqla yanaşı, həm də yüksək insani keyfiyyətlərə malik şəxsiyyətsiniz. İnanırıq ki, tezliklə yeni kollektivinizin də sevimlisi olacaqsınız.

BANM ailəsi