Xəbərlər

BANM-in "Neft-qaz mühəndisliyi" ixtisası üzrə 3-cü kursda təhsil alan tələbələri Soltanova Aidə və Əsgərov Mustafa 31 iyul-15 avqust 2015-cü il tarixlərində BP-nin "Xəzər mərkəzi" ofisində keçirilən geologiya üzrə 2015-cü il yay təcrübə kursunda iştirak ediblər.

 

Kurs zamanı xarici ve yerli peşəkar mütəxəssislər tərəfindən tələbələrə sedimentologiya və struktural geologiya üzrə seminarlar və təqdimatlar keçirilib. Tələbələrə struktural geologiya, plitələrin tektonikası, geodinamika, geoloji yataqların metodları, çölün kartoqrafik təsviri və çay, delta və göllərdə çöküntülərin yaranması mövzularında ətraflı məlumatlar və tapşırıqlar verilib. Yay sahə kursu çərçivəsində BANM tələbələri digər iştirakçı tələbələrlə birgə müxtəlif geoloji sahələrə səfər ediblər. Bu səfərlər zamanı tələbələr nümunələrdən istifadə etməklə, sahə geologiyasının prinsiplərini öyrəniblər.