Xəbərlər

Bakı Ali Neft Məktəbində (BANM) Azərbaycan Dövlət Mədəniyyət və İncəsənət Universitetinin müəllimi, tanınmış xanəndə, Azərbaycanın xalq artisti Mələkxanım Əyyubovanın möhtəşəm konserti keçirilib.

       Konsert proqramında BANM-in rəhbərliyi, professor-müəllim heyəti və tələbələri, həmçinin Azərbaycan Dövlət Mədəniyyət və İncəsənət Universitetinin rektoru Fərəh Əliyeva iştirak ediblər. 

       Xalq artisti  BANM-in kollektivi və tələbələri üçün xalq mahnılarını və muğam dəsgahlarını canlı ifa edərək, dinləyicilərin zövqünü oxşayıb. Xanəndə Mələkxanım Əyyubovanın canlı ifasını muğam üçlüyünü təşkil edən tanınmış xalq artisti tarzən Möhlət Müslümov, kamança və nağara ifaçıları müşayiət ediblər.

      Konsertin keçirilməsində əsas məqsəd milli-mənəvi dəyərlərdən biri olan muğam sənətinin  gənc nəslə aşılanması və tələbələrin Azərbaycanın musiqi mədəniyyətinə olan maraqlarının artırılmasıdır.