Xəbərlər

BANM-in təşkilatı dəstəyi, "Bakı Ali Neft Məktəbi" İntellektual Oyunlar Klubunun təşkilatçılığı ilə hazırlıq kursu (Foundation) tələbələri arasında intellektual oyunlara maraq yaratmaq üçün artıq ənənəvi hal almış "Fourth Foundation Championship" adlı Nə?Harada?Nə zaman? intellektual oyun formatlı turnir keçirilib. Turnirdə 13 qrupu təmsil edən 17 komanda iştirak edib. Turnirin açılışında Ali Məktəbin rektoru Elmar Qasımov çıxış edərək tələbələri salamlayıb, onların intellektual oyunlara olan marağını yüksək qiymətləndirdiyini bildirib.Turnirdə həmçinin "Azərbaycan" İntellektual Oyunlar Klubunun sədri Aydın Piriyev iştirak edib. Gərgin keçən turnir 3 turdan ibarət olub, turlar arası musiqi nömrələri və “coffee break” təşkil olunub. Yarışın sonunda 12 - ci qrupu təmsil edən "Wikicake" komandası 3-cü, 13 - cü qrupu təmsil edən "SirTeam" komandası 2 - ci, 6 - cı qrupu təmsil edən "Cosa Nostra" komandası isə 1 - ci yeri qazanıblar. Qaliblər kubok vəmedallarla təltif olunub.​