Xəbərlər

          Bakı Ali Neft Məktəbində  (BANM) Tələbə Həmkarlar İttifaqı Komitəsinin (THİK) tərkibində fəaliyyət göstərəcək  "Programming Club" yaradılıb. Klub ona üzv olan tələbələr üçün asudə vaxtlarını səmərəli keçirməyə böyük şans yaradır. Belə ki, klubda üzv olan tələbələr üçün bünövrədən başlayaraq proqramlaşdırma dərsləri keçirilir.   Yaxın günlərdə isə BANM THİK-in dəstəyi ilə “Programming Club”un  təşkil etdiyi "CODE MASTER" adlı proqramlaşdırma yarışının 1-ci mərhələsi keçirilib.     

 

        “C” proqramlaşdırma dili ilə bağlı biliklərə əsaslanan turnirin ilk mərhələsi foundation (hazırlıq kursu) tələbələri üçün keçirilib. Yarışın ilk mərhələsi 5 sualdan ibarət olub və hər suala 10 dəqiqə vaxt ayrılıb. BANM-in Proseslərin avtomatlaşdırılması mühəndisliyi ixtisası üzrə təhsil alan Vahab Cəbrayılov ən çox bal toplayaraq ilk yerə layiq görülüb. Növbəti 2, 3, 4 cü yerləri isə Toğrul Tahirov, Sənan Həsənov və Ayxan Haqverdili əldə ediblər. Qaliblər müxtəlif hədiyyələr ilə mükafatlandırılıblar.

 

         Oktyabrın 28-i isə yarışın növbəti mərhələsinin 2-ci və 3-cü kurslar üçün keçirilməsi nəzərdə tutulub.