Xəbərlər

          Hörmətli professor-müəllim heyəti,

          Əziz tələbələr və əməkdaşlar,

 

          Sizi yer üzünə yenilik, torpağa oyanış, insanlara xoş əhval-ruhiyyə gətirən “Novruz bayramı” münasibətilə səmimi qəlbdən təbrik edirəm!

 

          Azərbaycan xalqı hər il bu bayram ərəfəsində məişətdə və ictimai həyatda canlanma, təmizlik, şəffaf mehribanlıq ənənələrinə sadiq olaraq xalqımızın tarixinin və mədəniyyətinin daşıyıcısı olan “Novruz bayramı”nı xüsusi təntənə və coşqu ilə qarşılayır, hər mənzildə Novruz şamı yanır, hər həyətdə Novruz tonqalı alovlanır, Novruz nemətləri paylanır, hamı gələcəyə böyük ümidlə baxır!

 

          Sizin hər birinizə, ailə üzvlərinizə və yaxınlarınıza bu Müqəddəs bayram ərəfəsində möhkəm cansağlığı, firavanlıq, xoşbəxtlik, bahar əhval-ruhiyyəsi, ruzi-bərəkət, şəxsi həyatınızda yeniliklər arzulayıram!

 

          Qoy “Novruz bayramı” hər bir ailəyə səadət, hər bir azərbaycan vətəndaşına xoşbəxtlik, doğma vətənimizə tərəqqi və inkişaf gətirsin!

 

          Hər birinizə Azərbaycanın inkişafı naminə təhsildə və tədrisdə böyük uğurlar arzulayıram!

 

          Novruz bayramınız mübarək!

 

          Hörmətlə,

 

          Elmar Qasımov

          Bakı Ali Neft Məktəbinin rektoru