Xəbərlər

“BANM-da təhsil alaraq ixtisasımda ən yaxşı bilik və bacarıqlara sahib olmağı məqsəd qoyuram”

Rüfət Əsədov: 693.8 bal.

İxtisas: Kimya mühəndisliyi

Məzun olduğu məktəb: Sumqayıt Təbiət Elmləri Təmayüllü Gimnaziyanı fərqlənmə attestatı ilə bitirib

Prezident təqaüdünü əldə etmək mənim üçün həm böyük bir fəxr, həm də böyük bir məsuliyyətdir. Təqaüd sayəsində təhsilimə daha çox diqqət ayırmağa imkanım var. Ən vacib məsələ bu təqaüdü qoruyub saxlamaqdır və əminəm ki, bu 5 il ərzində bu məqsədi həyata keçirəcəyəm.

İxtisasım üzrə Azərbaycanda ən yaxşı Ali Məktəbdə təhsil alıram və bu mənim üçün böyük bir üstünlükdür. Təhsilimi yüksək səviyyədə almağa və həm yerli, həm də beynəlxalq aləmdə tanınmağa imkan yaradır. Burada təhsil alaraq ixtisasımda ən yaxşı bilik və bacarıqlara sahib olmağı hədəfləyirəm. 

Gələcək planlarım isə daha genişdir. Bakalavriat təhsilimi uğurla başa vurduqdan sonra Amerikada Missouri Universitetində bomba mühəndisliyi üzrə magistratura təhsili almağı planlaşdırıram. Bu istiqamətdə atdığım hər addım həm şəxsi inkişafıma, həm də ölkəmin təhsil sahəsindəki potensialına töhfə verməyə xidmət edəcək.