Xəbərlər

“BANM-ı seçmək qərarım həyatımın dönüm nöqtəsi idi”

Məhəmməd Gülməmmədov: 695.3 bal.

İxtisas: İnformasiya təhlükəsizliyi

Məzun olduğu məktəb: Kəlbəcər rayonu, 84 nömrəli tam orta məktəbi fərqlənmə attestatı ilə bitirib

Prezident təqaüdünə layiq görülmək mənim və ailəm üçün böyük bir qürur mənbəyidir. BANM-ı seçmək qərarım həyatımın dönüm nöqtələrindən biri olub. İlk dəfə 8-ci sinifdə bacım mənə bu Ali Məktəbi seçməyimi təklif edib. Onun məsləhətini dinləyərək, BANM-ı araşdırmağa başladım və gördüm ki, burada tələbələr üçün mükəmməl təhsil şəraiti, müasir tədris metodları və qabaqcıl texnologiyalardan istifadə olunur. Üstəlik, BANM ölkəmizdəki ən nüfuzlu və qabaqcıl təhsil ocaqlarından biridir. 

Daha sonra müasir dövrün ən aktual ixtisaslarından biri olan İnformasiya Təhlükəsizliyi sahəsini seçdim. Bu qərarlar mənə qəbul imtahanlarında ən yüksək nəticəni əldə edən 10 tələbədən biri olmağa ilham verdi. Bu uğur zəhmətimin və davamlı çalışmamın nəticəsidir.

Gələcək üçün ən böyük məqsədim həm ölkəmizdə, həm də beynəlxalq səviyyədə mütəxəssis olmaqdır. İngilis dilini daha da inkişaf etdirərək, qlobal mühitdə daha effektiv ünsiyyət qurmağa və beynəlxalq təşkilatlarla əməkdaşlıq etməyə imkan yaratmaq istəyirəm.