Xəbərlər

“Prezident təqaüdçüsü olmaq mənim üçün böyük bir şərəfdir”

Amin Əsədullayev:  696.2 bal.

İxtisas: Kompüter mühəndisliyi

Məzun olduğu məktəb: Masallı şəhəri, İ.Əsgərli adına 3 nömrəli tam orta məktəbi fərqlənmə attestatı ilə bitirib

Prezident təqaüdçüsü olmaq mənim üçün böyük bir şərəfdir. Bu status mənə maddi dəstək və təhsil həyatımda əlavə imkanlar yaradır. Kompüter mühəndisliyi sahəsinə olan marağım və bu sahənin gətirəcəyi yeni imkanlar mənim üçün çox önəmlidir. Magistratura təhsilimi xaricdə davam etdirmək isə bir növ bu sahədəki biliklərimi genişləndirmək, yeni bacarıqlar qazanmaq və daha dərin nəzəri biliklər əldə etmək üçün çox vacibdir. Xaricdə təhsil almaq, həm də fərqli mədəniyyətlərdən olan insanlarla tanış olmaq, beynəlxalq aləmdəki təcrübələri öyrənmək və dünya səviyyəsində tanınmış alimlərlə və mütəxəssislərlə əməkdaşlıq etmək imkanı yaradacaq. Öz sahəm üzrə yüksək ixtisaslı mütəxəssis olmağı, həm ölkə daxilində, həm də beynəlxalq səviyyədə mühüm yeniliklər və həllər təqdim etməyi hədəfləyirəm. Bu məqsədlərə çatmaq üçün Prezident təqaüdü ilə qazandığım imkanlardan tam şəkildə faydalanmağa çalışacağam.