Xəbərlər

“Hədəflərimə BANM-da alacağım təhsillə çatmağı planlaşdırıram”

Ayxan Salmanov: 697.5 bal

İxtisas: İnformasiya təhlükəsizliyi

BANM birincisi:İxtisası üzrə

Məzun olduğu məktəb: Şəki şəhəri, Baş Zəyzid kənd tam orta məktəbi fərqlənmə attestatı ilə bitirib

Prezident təqaüdünə layiq görülmək mənim üçün böyük bir fəxrdir. İllər öncə Prezident təqaüdçüləri haqqında eşidirdim, bu gün onlardan biri olmaq qürurvericidir. Tələbə biletinin təqdimatı zamanı ən yüksək bal toplayan tələbə olaraq kürsüdən çıxış etməyim xüsusi bir an idi. #Şəki torpağında yetişmiş biri kimi, bu uğuru həm özüm, həm də doğulduğum yurdum üçün dəyərli hesab edirəm.

BANM ən prestijli təhsil ocağıdır. Xüsusilə də IT sahəsindəki mükəmməl tədris sistemi diqqətimi çəkdi. Çox araşdırdım, BANM-ın tələbə və məzunlarının uğurlarını oxudum. Nəticədə, buradayam.

SOCAR-ın rəhbəri cənab Rövşən Nəcəflə görüşmək mənim üçün çox qiymətli və əvəzolunmaz bir təcrübə oldu. Prezident təqaüdçüləri ilə görüşü zamanı Rövşən müəllim ad günümü şəxsən təbrik etdi və şahmat hədiyyə etdi. Bu görüş həyatımda unudulmaz bir anı olaraq qalacaq. Mənə göstərdiyi diqqətə görə təşəkkürümü bildirirəm.

Qarşıda böyük hədəflərim var və bu hədəflərə BANM-da alacağım təhsillə çatmağı planlaşdırıram. Bu il BANM-ın 35 məzunu Dövlət Proqramını qazandı və TOP universitetlərə qəbul oldu. Mən də onların uğuruna çatacağıma inanıram və təhsilimi ABŞ-da davam etdirmək istəyirəm.