Xəbərlər

Murad Şərifovun növbəti beynəlxalq uğuru – DAAD təqaüdü ilə Almaniyada!

SOCAR-ın Bakı Ali Neft Məktəbinin (BANM) Proseslərin avtomatlaşdırılması mühəndisliyi ixtisasının IV kurs tələbəsi Murad Şərifov növbəti beynəlxalq uğura imza atıb. O, Alman Akademik Mübadilə Xidmətinin (DAAD) təqaüd proqramının qalibi kimi Almaniyanın Martin Luther Universitetində alman dili kursunda iştirak edib. 

Bu çərçivədə Azərbaycanın zəngin mədəniyyətini beynəlxalq tələbə və müəllimlərə tanıdaraq ölkəmizin milli mətbəxini və ənənələrini təqdim edib. Bu təqdimat böyük maraqla qarşılanıb. 

Xatırladaq ki, tələbəmiz Latviyanın dövlət təqaüd proqramının, eləcə də 4-cü ABB “Hackathon Startup Challenge”in qalibi olub. Həmçinin, Riqa Texniki Universitetinin yay məktəbinə qatılıb.

Tələbəmizi təbrik edirik!