Xəbərlər

BANM “Karabakh GreenTech”də II yeri qazanıb

SOCAR-ın Bakı Ali Neft Məktəbinin (BANM) “AgroWise” komandası “Karabakh GreenTech” hakatonunda II yeri qazanıb.

Komandanın mentoru Ali Məktəbin İnnovasiya və tədqiqatlar mərkəzinin böyük mühəndisi Emiliya Əhmədova, üzvləri isə Proseslərin avtomatlaşdırılması mühəndisliyi ixtisasının IV kurs tələbələri Zahid Abdullayev, Cəbrayıl Qasımov və Kimya mühəndisliyi ixtisasının IV kurs tələbəsi Çingiz Hacıyevdir. 

”İnnovasiyalar Mərkəzi” və “INNOLAND” İnkubasiya və Akselerasiya Mərkəzinin tərəfdaşlığı ilə “Qarabağ və Şərqi Zəngəzurda Sərmayə İmkanları” layihəsi çərçivəsində keçirilib.

Məqsəd gəncləri “Azərbaycan 2030: sosial-iqtisadi inkişafa dair Milli Prioritetlər”inə əsasən həyata keçirilən tədbirlərə dəstək olmaq, işğaldan azad edilmiş bölgələrdə biznes subyektlərini inkişaf perspektivləri, investisiya imkanları  barədə maarifləndirməkdir.