Xəbərlər

BANM-in rektoru Gəncədə beynəlxalq elmi konfransda iştirak edib

Bakı Ali Neft Məktəbinin rektoru Elmar Qasımov Azərbaycan Dövlət Aqrar Universitetində keçirilən Ümummilli Lider Heydər Əliyevin anadan olmasının 101-ci ildönümünə həsr edilmiş “Beynəlxalq Bitki Sağlamlığı Günü: Dayanıqlı kənd təsərrüfatında bitki amili” mövzusunda respublika elmi-praktik konfransında iştirak edib.

Gəncə Heydər Əliyev Mərkəzində keçirilən konfransın iştirakçıları Ulu Öndərin Mərkəzin qarşısında yerləşən abidəsini ziyarət edib, önünə gül dəstələri düzüblər. Sonra Mərkəzin foyesində Aqrar Universitetin tələbələrinin əl işlərindən ibarət sərgiyə baxış keçirilib.

Tədbirdə çıxış edən Azərbaycan Dövlət Aqrar Universitetinin rektoru Zəfər Qurbanov Ulu Öndər Heydər Əliyevin Azərbaycan Dövlət Aqrar Universitetinə (keçmiş Azərbaycan Kənd Təsərrüfatı İnstitutu) diqqət və qayğısından bəhs edib. Rektor bildirib ki, Ümummilli Liderin ölkənin yеganə ali aqrar təhsil müəssisəsinə göstərdiyi diqqət və qayğı 20 ildən artıqdır ki, Prеzidеnt İlham Əliyеv tərəfindən ən yüksək səviyyədə davam еtdirilir.

Daha sonra Milli Məclisin Aqrar siyasət komitəsinin sədri Tahir Rzayev, Bakı Ali Neft Məktəbinin rektoru Elmar Qasımov, Bakı Slavyan Universitetinin rektoru Anar Nağıyev və digərləri çıxış ediblər.

Konfrans işini bölmələrdə davam etdirib.