Xəbərlər

SOCAR-ın Bakı Ali Neft Məktəbinin İndoneziyada işləyən məzunu

Emilya Məmmədova 2013-cü ildə 657 balla Bakı Ali Neft Məktəbinin Neft-qaz mühəndisliyi ixtisasına qəbul olub. 2018-ci ildə təhsilini başa vuran BANM məzunu ABŞ-nin nüfuzlu “Baker Hughes” şirkətində işə başlayıb. Şirkətin Azərbaycan, Qazaxıstan, Küveyt, Norveç, Türkiyə nümayəndəliklərində çalışıb. Dubay və Amerikada təlimlərdə iştirak edib. 2022-ci ilin yanvar ayından şirkətin İndoneziya nümayəndəliyində fəaliyyət göstərir. Aprel ayından isə İndoneziyada yaşayır.

- Bakı Ali Neft Məktəbi sizə nə qazandırıb?

- BANM mənə həm ailə olub, həm həyat məktəbi, həm də texniki və müxtəlif bacarıqlarımı inkişaf etdirməyimdə çox böyük rol oynayıb.

- Uğurlu məzun olmağın sirri nədir?

- Uğurlu məzun olmağın sirri təkcə texniki biliklərə fokuslanmayıb, həm də tələbəlik illərində fəal olmaqdır. Enerji sənayesi artıq sadəcə işini bilən mütəxəssis axtarmır, həm də komandada işləyə bilən, liderlik xüsusiyyətləri olan insanlara ehtiyac var.

- Gənclərə tövsiyəniz nədir?

- Gənclərə tövsiyəm odur ki, fürsətlərin onlara gəlməsini gözləməsinlər. İnsan fürsətini özü yaratmalıdır. Karyera qurmaq və məqsədlərinə çatmaq üçün planlı olsunlar və bu yöndə çalışsınlar. İş həyatında, karyerada hər şey mümkündür, sadəcə düzgün planlaşdırma aparmaq lazımdır.

#SOCAR #BANM #BHOS #tələbə #məzun #BakerHuges