Xəbərlər
Oklahoma Universitetinin professoru: “Bakı Ali Neft Məktəbinin tələbələri çalışqan və istedadlıdırlar”
“Bakı Ali Neft Məktəbi çox yaxşı universitetdir. Burada təhsil almaq üçün hər cür şərait yaradılıb. Həm ölkənin müxtəlif regionlarından, həm də xaricdən tələbələr təhsil alırlar. Bu Ali Məktəbin tələbələri çox çalışqan və yüksək istedada malik tələbələrdir”.
Bu sözləri Bakı Ali Neft Məktəbində qonaq olan, burada təlim keçən ABŞ-nin Oklahoma Universitetinin professoru Xingru Vu deyib.
O, Bakı haqqında da təəssüratlarını bölüşərək bildirib ki, Bakı sürətlə inkişaf edən şəhərdir: “Bakıya gələndə Dənizkənarı parkda gəzməyi çox xoşlayıram. İçərişəhər də mənim sevimli məkanımdır.Buranın insanları da çox qonaqpərvərdirlər və dostca davranırlar. Bunlar məni çox təsirləndirir”.