Xəbərlər

Bakı Ali Neft Məktəbinin müəllimi Nurlana İmanova IELTS müəllimlərinə təlim keçmək hüququ qazanıb

Bakı Ali Neft Məktəbinin İngilis dili və humanitar fənlər mərkəzinin baş müəllimi Nurlana İmanova “British Council” təşkilatının İstanbuldakı nümayəndəliyində “IELTS Train the Trainer” təlimində uğurla iştirak edib və Azərbaycanda IELTS müəllimlərinə təlim keçmək hüququ əldə edib.

O, “British Council”ın Bakıdakı nümayəndəliyi tərəfindən bu təlimə seçilib və təşkilatın dəstəyi ilə təlimə qatılıb. Təlimi uğurla yekunlaşdıran BANM-in müəlliminə Böyük Britaniyanın Azərbaycandakı səfiri Ferqus Ould tərəfindən sertifikat təqdim olunub. Beləliklə, bu təlim və sertifikat Bakı Ali Neft Məktəbinin müəlliminə “British Council” təşkilatının təlimçisi olaraq Azərbaycanda ali, orta və digər təhsil müəssisələrində IELTS müəllimlərinə təlim keçməyə imkan verir. Nurlana İmanova Azərbaycanda bu təlimləri keçmək haqqı qazanan 3 təlimçidən biridir.

#BANM #BHOS #BritishCouncil #BritishCouncilIELTS #training