Xəbərlər
Bakı Ali Neft Məktəbinin tələbələri “CanSat Azərbaycan 2023” müsabiqəsinin infosessiyasına qatılıblar
Bakı Ali Neft Məktəbinin (BANM) tələbələri “Azərkosmos” ASC-nin əməkdaşları tərəfindən təşkil olunan “CanSat Azərbaycan 2023” müsabiqəsinin infosessiyasında iştirak ediblər.
İnfosessiyada tələbələrə müsabiqənin tarixçəsi, qaydaları, şərtləri, qeydiyyat, layihələndirmə, reallaşdırma, uçuş öncəsi yoxlamalar və uçuş mərhələləri haqqında ətraflı məlumatlar verilib, onların sualları cavablandırılıb.
“CanSat Azərbaycan” müsabiqəsi ali təhsil müəssisələrinin tələbələri arasında kosmik sahəyə marağın artırılması, bu sahədə fundamental bilik və bacarıqlar formalaşdıraraq yerli kadrların yetişdirilməsi məqsədilə təşkil edilir. Müsabiqəyə qeydiyyat dekabrın 28-də yekunlaşacaq.
Müsabiqə barədə daha ətraflı məlumatı veb saytdan əldə edə bilərsiniz: https://cansat.az/
