Xəbərlər

“Bahar Enerji Əməliyyat Şirkəti”nin prezidenti Bakı Ali Neft Məktəbində

Bakı Ali Neft Məktəbinin (BANM) rektoru Elmar Qasımov “Bahar Enerji Əməliyyat Şirkəti”nin prezidenti Con Harkinslə görüşüb.

Qonağı Ali Məktəbdə salamlayan rektor Elmar Qasımov vurğulayıb ki, bu tədris ili də Bakı Ali Neft Məktəbi üçün uğurlu olub.  Rektor ölkənin ən intellektual və qəbul imtahanlarında yüksək nəticələr göstərən gənclərinin Bakı Ali Neft Məktəbini seçdiyini xatırladaraq, bu il Prezident təqaüdünə layiq görülmüş 102 nəfərdən 31-nin məhz BANM-in tələbəsi olduğunu diqqətə çatdırıb. 

Con Harkins isə bildirib ki, “Bahar Enerji Əməliyyat Şirkəti” ilə Bakı Ali Neft Məktəbi arasından əməkdaşlıq inkişaf etməkdədir. O, Ali Məktəbin tələbələrinin şirkətin layihələrinə cəlb olunduqlarını, burada təhsil alan potensiallı kadrlara ehtiyac olduğunu və BANM-lə əməkdaşlığı daha da genişləndirmək istədiklərini əlavə edib.

Sonra Con Harkins Bakı Ali Neft Məktəbinin rektoru Elmaq Qasımovu “Bahar Enerji Əməliyyat Şirkəti”nə dəvət edib. Elmar Qasımov isə bu dəvətə görə minnətdarlığını bildirib.