Xəbərlər

Bakı Ali Neft Məktəbinin rektoru Oklahoma universitetinin professoru ilə görüşüb

Bakı Ali Neft Məktəbinin (BANM) rektoru Elmar Qasımov ABŞ-nin Oklahoma universitetinin professoru Xingru Vu ilə görüşüb.

Elmar Qasımov Ali Məktəb barədə məlumat verərək bildirib ki, professorun BANM-də keçirilən təlimləri çox faydalıdır. O, BANM-in tələbələrinin professorun dərin biliyindən, mühəndis kimi zəngin təcrübəsindən yararlanacağına, həmçinin müəllimlərlə təcrübə mübadiləsinin səmərəli olacağına əminliyini ifadə edib.

Bakı Ali Neft Məktəbində olmaqdan məmnunluğunu bildirən professor Xingru Vu burada yaradılan şəraiti, tədrisin keyfiyyətini, tələbələrin bilik səviyyəsini yüksək qiymətləndirib.

Görüşdə birgə laboratoriyanın yaradılması, tədqiqat işlərində əməkdaşlıq, kurrikulumun hazırlanmasında iştirak və digər məsələlər müzakirə olunub.

 Xingru Vu peşəkar mühəndis və tədqiqatçı alimdir. O, uzun illər bp və CNOOC şirkətlərində çalışıb, elmi məqalələri dünya səviyyəli jurnallarda dərc edilib.

#BANM #BHOS #oklahomastateuniversity #professor