Xəbərlər

Bakı Ali Neft Məktəbinin Hazırlıq kursu tələbələri arasında yarış

Bakı Ali Neft Məktəbinin (BANM) “Riyaziyyat klubu”nun təşkilatçılığı ilə “Foundation Cup” adlı yarışı keçirilib. Yarışa 70-ə yaxın Hazırlıq kursu (Foundation) tələbəsindən ibarət 15 komanda qatılıb. Ümumilikdə 3 turdan ibarət yarışda 3 komanda qalib gəlib. I yerə “+C” komandası, II yerə  “i^2 – Get real”, III yerə “Superwomen” komandası layiq görülüb. Qalib komandalar kubok, medal və sertifikatlarla mükafatlandırılıb.

“Foundation Cup” turnirinin təşkilatçıları BANM-in “Riyaziyyat klubu” nun İdarə heyətinin sədri Fuad Tağıyev, üzvləri Eminağa Rəcəbov, Şəhla Kazımzadə, Əkbər Bünyadzadə, Rəvan Xıdırov, Leyla Həsənova, Amil İbadov və Nəzrin Əfəndiyevadır.