Xəbərlər

Bakı Ali Neft Məktəbinin tələbələri təcrübələrini bölüşüblər

Bakı Ali Neft Məktəbinin (BANM) Neftçi Mühəndislər Cəmiyyəti (SPE BANM) təcrübə proqramları barədə tələbələrlə panel diskussiya formatında görüş təşkil edib. Görüşün məqsədi qlobal şirkətlərin təcrübə proqramlarına qəbul olmuş uğurlu tələbələrlə aşağı kurslarda təhsil alan tələbələri biraraya gətirməkdir.

Diskussiyada bp şirkətinin təcrübə proqramında iştirak etmiş BANM-in Neft-qaz mühəndisliyi ixtisasının 5-ci kurs tələbələri Anar Əzimov, Dursun Daşdəmirov, Elnur Əskərov və Emin Mürsəlli, “Halliburton” şirkətində təcrübə proqramını qazanmış Lalə İsmayılzadə və “Schlumberger” şirkətinin "Summer Camp" adlı proqramının iştirakçısı olmuş Xalid Orucov öz təcrübələrini iştirakçılarla bölüşüblər.

Panel diskussiyanın aparıcısı Hüseyn Abızadə, koordinatorları Malik Sultanov, Firuzə Əzizova və Nicat Səfərəliyev olub.

Görüş sual-cavab hissəsi ilə davam etdirilib.

#BANM #BHOS #Neftçimühəndislər #diskussiya