Xəbərlər

Rektor Elmar Qasımov yeni tədris ili ilə bağlı müzakirələr apardı

Bakı Ali Neft Məktəbinin rektoru Elmar Qasımov Ali Məktəbin İngilis dili və humanitar fənlər mərkəzinin əməkdaşları ilə görüşüb.

Yeni tədris ilində müəllimlərə uğurlar arzulayan rektor ayrı-ayrılıqda onları dinləyib və dərs ilinə hazırlıqla bağlı müzakirələr aparıb.

Elmar Qasımov tapşırıq verib ki, ilk dərs dövlətçilik və vətənpərvərlik mövzusuna həsr olunsun, tələbələrə vətənə sədaqət hissi aşılansın.

Rektor tədris ili boyunca idman yarışlarının genişləndirilməsi, tələbələrin belə yarışlara cəlb olunması və onların sosiallaşmasına diqqət ayrılmasını da tövsiyə edib.