Xəbərlər

Bakı Ali Neft Məktəbinin tələbələri Samsunda “Teknofest”də

Bakı Ali Neft Məktəbinin (BANM) tələbələri Türkiyənin Samsun şəhərində keçirilən “Teknofest” Aerokosmik və Texnologiya festivalında iştirak ediblər.

May ayında Bakıda keçirilən festivalda I yerə layiq görülmüş “Atəşgah” komandasının üzvləri Fərid Əliyev, Fatimə Məmmədova, Faiq Əliyev, “İstiqlal” komandasının üzvləri Fidan Mahmudova, Səmra Hüseynova, Qeybulla Əliverdiyev, Kənan Bəgəliyev, II yerin qalibi olmuş “Murov” komandasının üzvü Ruslan Həsənov və iki kateqoriya üzrə III yer mükafatını qazanmış “Həkəri” komandasının üzvləri Cavid İsayev, Fərid Qəhrəmanov, Leyla Osmanova festival iştirakçılarına layihələri barədə məlumat verib, təqdimat edib, rəsmi şəxslərlə görüşüblər.

Qeyd edək ki, SOCAR-ın prezidenti Rövşən Nəcəf də Bakıda “Teknofest” qalibləri ilə görüş keçirib.

Tələbələrimizlə qürur duyuruq

#BANM #BHOS #SOCAR #Teknofest #Teknofest2022 #TeknofestAzerbaijan #teknofestsamsun