Xəbərlər
Şəkinin birincisi də Bakı Ali Neft Məktəbini seçir
Ümman Məmmədov Şəki şəhəri üzrə ən yüksək bal toplayan abituriyentdir. I ixtisas qrupu üzrə keçirilən imtahanda maksimal - 400 bal toplayan Ümmanın ümumi balı 685-dir. Bu göstərici ilə o, Şəki üzrə ən yüksək nəticəyə nail olub.
Şəki abituriyentlərinin lideri Şabalıd kənd tam orta məktəbin məzunudur. O, Bakı Ali Neft Məktəbinin (BANM) tələbəsi adını qazanmağı səbirsizliklə gözləyir: “Artıq 10-cu sinifdə oxuyanda ali təhsil almaq istədiyim universitetlər haqqında araşdırma aparmağa başladım. Bakı Ali Neft Məktəbi haqqında çoxlu sayda yüksək fikirlər qarşıma çıxırdı. BANM-in tədrisi məzunlara geniş iş imkanları və təhsillərini xaricdə davam etdirmək şansı yaradır. Tədrisin ingilis dilində olması isə üstünlüklərindən biridir”.