Xəbərlər

Lənkəranın birincisi və ikincisi də Bakı Ali Neft Məktəbini seçir

Ziya Əsgərli Lənkəran şəhəri üzrə ən yüksək bal toplayan abituriyentdir. O, 6 nömrəli məktəb-liseyin məzunudur. Ziya buraxılış və I ixtisas qrupu üzrə keçirilən blok imtahanında ümumilikdə 680.4 bal toplayıb.

Ziya Əsgərlinin arzusu Bakı Ali Neft Məktəbinin (BANM) tələbəsi olmaqdır.

Nihad Axundzadə isə Lənkəran şəhəri üzrə ikinci ən yüksək bal toplayan abituriyentdir. O, Lənkəran rayonu Separadi kənd tam orta məktəbi Fərqlənmə attestatı ilə bitirib. Nihad buraxılış imtahanında 279.6 bal, I ixtisas qrupu üzrə keçirilən imtahanda isə maksimal – 400 bal olmaqla, ümumilikdə 679.6 bal toplayıb.

Nihad Axundzadənin arzusu Bakı Ali Neft Məktəbinin (BANM) tələbəsi olmaqdır.

#BANM #BHOS #SOCAR #DİM #abituriyent