Xəbərlər

Bakı Ali Neft Məktəbinin “Neft-qaz mühəndisliyi” ixtisası üzrə təhsil alan IV kurs tələbəsi Azəri Əliyev “Azneft” İstehsalat Birliyinin “Bibiheybətneft” Neft və Qaz Çıxarma İdarəsində (NQCİ) Bakı Ali Neft Məktəbinin təşkil etdiyi ödənişli yay təcrübəsində iştirak edib və 1 saylı Neft və Qaz Çıxarma Sahəsində 9-cu dərəcəli mühəndis vəzifəsində çalışıb. Təcrübə 13 iyul - 28 avqust tarixini əhatə edib. Təcrübəni bitirdikdən sonra Azəri Əliyev əmək kitabçası ilə təmin olunub və fəaliyyəti yüksək qiymətləndirilən BANM-in tələbəsi “Fəxri diplom”la təltif olunub.

 

Qeyd edək ki, tələbə Azəri Əliyev 2014-cü ildə Bakı Ali Neft Məktəbinin təşkil etdiyi yay təcrübə proqramı üzrə “Azneft” İstehsalat Birliyinin “Neft Daşları ” Neft və Qaz Çıxarma İdarəsində (NQCİ) də yay təcrübəsi keçib.

 

Azəri Əliyev 1994-cü ildə Bakı şəhərində anadan olub. 2012-ci ildə Kimya-biologiya təmayüllü Respublika liseyini bitirib. Həmin ildə Tələbə Qəbulu üzrə Dövlət Komissiyasının (TQDK) keçirdiyi 1-ci qrup üzrə ali məktəblərə qəbul imtahanında 660 bal toplayaraq Bakı Ali Neft Məktəbinin “Neft-qaz mühəndisliyi” ixtisasına daxil olub. 2013-cü ildə I Tələbə Elmi Konfransında iştirak edib və diplomla təltif olunub. 2013-cü ildə Azərbaycan Tələbə Gənclər Təşkilatları İttifaqının və “Kainat” tədris mərkəzinin birgə layihəsi olan II Məntiq Olimpiadasında iştirak edib və əldə etdiyi yüksək nəticəyə görə “Fəxri fərman”la təltif olunub. 2014-cü ildə Azərbaycan Respublikasının Prezidenti yanında Gənclər Fondunun maliyyə dəstəyi ilə Azərbaycan Tələbə Gənclər Təşkilatları İttifaqı tərəfindən həyata keçirilən “Bakı Olimpiadası 2014” layihəsi çərçivəsində təşkil olunan Təbiət Elmləri Olimpiadasının final mərhələsində iştirat etməyə hüquq əldə etdiyinə görə sertifikatla təltif olunub. 2014-cü ildə BANM və “Sağlam Ailə” Tibb Mərkəzinin birgə həyata keçirdiyi “Sevgi və Sağlamlıq” layihəsində fəal iştirak etdiyinə görə Sertifikatla təltif oluub. O, həmçinin Azərbaycan Respublikası Dövlət Dəniz Administrasiyasında “Bütün heyət üçün təhlükəsizlik üzrə tanışlıq, ilkin hazırlıq və təlimat” kursunu bitirib və imtahandan keçərək sertifikat alıb.