Xəbərlər

       Bakı Ali Neft Məktəbinin (BANM) Senat zalında Ali Məktəbin elektron tədris sisteminin yeniliklərinin müzakirə olunması məqsədilə görüş keçirilib. Görüşdə BANM-ın rektoru Elmar Qasımov, professor-müəllim heyəti və administrativ heyət iştirak ediblər.

 

     Əvvəlcə rektor Ali Məktəbin yenilikləri və son nailiyyətləri haqqında danışıb. Daha sonra Ali Məktəbin istifadə etdiyi elektron tədris sisteminin son dərəcə önəmli olduğunu bildirən rektor bu istiqamətdə daim yeniliklərin tətbiq edilməsinin labüd olduğunu deyib.

 

       Görüşdə çıxış edən Ali Məktəbin Elektron tədris şöbəsinin rəisi Asim Namazov əməkdaşlara elektron tədris sistemində informasiya təhlükəsizliyi, elektron sənəd dövriyyəsi, imtahan proseslərinin avtomatlaşdırılması məslələrindən danışıb, əməkdaşlara və müəllimlərə informasiya təhlükəsizliyi istiqamətində qaydalara əməl etməyi tövsiyə edib.

 

       Daha sonra Ali Məktəbin riyaziyyat müəllimi və elektron tədris sistemi layihəsinin koordinatoru Tural Abdullayev sistem və onun yenilikləri haqqında təqdimat edib. Müəllimlər və təqdimatçı arasında yeniliklər və təkliflər ətrafında müzakirələr edilib.   

 

       Sonda rektor Elmar Qasımov Proseslərin avtomatlaşdırılması mühəndisliyi kafedrasınının dosenti Nailə Allahverdiyevanı uzun illər yüksək əmək göstəricilərinə və peşəkar əmək fəaliyyətinə görə Fəxri Fərmanla təltif edib.