Xəbərlər

      2018/2019-cu tədris ilində Azərbaycan Respublikasının ali məktəblərinə daxil olmuş tələbələrə Prezident təqaüdünün verilməsi haqqında Azərbaycan Respublikası Prezidentinin Sərəncamına əsasən tələbə qəbulu imtahanlarında  ixtisas qrupları üzrə ən yüksək nəticələr göstərmiş və Prezident təqaüdünə layiq görülmüş tələbələrin ali məktəblər üzrə sayı məlum oldu.

 

     Azərbaycan Respublikası Prezidentinin “Azərbaycan Respublikasının ali məktəb tələbələri üçün Prezident təqaüdünün təsis edilməsi haqqında” 2001-ci il 3 sentyabr tarixli 564 nömrəli Fərmanına uyğun olaraq I ixtisas qrupu üzrə Prezident təqaüdünə layiq görülmüş 26 tələbə Bakı Ali Neft Məktəbinin (BANM) tələbəsi oldu. Bu göstərici BANM-ı ölkə universitetləri arasında Prezident təqaüdçülərinin sayına görə lider edib.

 

Prezident təqaüdçülərinin sayına görə ali məktəblərin statistikasını sizə təqdim edirik.

 

№	Ali Məktəbin adı	nəfər
1	Bakı Ali Neft Məktəbi	26
2	Azərbaycan Tibb Universiteti	24
3	Azərbaycan Dövlət İqtisad Universiteti	18
4	Bakı Dövlət Universiteti	12
5	ADA Universiteti	11
6	Azərbaycan Respublikası Prezidenti yanında Dövlət İdarəçilik Akademiyası	8
7	Polis Akademiyası	1
8	Naxçıvan Dövlət Universiteti	1
9	Azərbaycan Dövlət Neft və Sənaye Universiteti - UFAZ	1

 

          Xatırladaq ki, qəbul imtahanlarında I ixtisas qrupu üzrə 700 bal toplamış 13 nəfər abituriyent də BANM-ın tələbəsidir. Bir qrup üzrə bütün 700 ballı tələbələrin yalnız bir ali məktəbi – BANM-ı seçməsi də rekord göstəricidir.