Xəbərlər

        Bakı Ali Neft Məktəbi (BANM) və ASAN xidmətin ASAN Könüllülük Məktəbi ilk dəfə öz birgə layihələrini – Karyera Sərgisini təşkil edəcək. BANM-ın kampusunda keçiriləcək sərgi 1 Mart, saat 10:00-dan – 17:00-dək davam edəcək. ASAN Könüllülük Məktəbinin “ASAN kadr” karyera mərkəzi tərəfindən layihələndirilən Karyera Sərgisinin əsas məqsədi ölkənin aparıcı şirkətləri ilə öz karyeralarını qurmaq istəyən potensial gənc kadrları  görüşdürmək və hər iki tərəfi yararlandırmaqdır.

 

        Sərgidə 50-dən çox şirkət artıq öz iştirakını təsdiq edib. Bu şirkətlərə SOCAR, Paşa Siğorta, Gilan Holdinq, EY, KPMG, Delloitte, PwC Azerbaijan, Azercell, BP Exploration Caspian Sea Azerbaijan, Atəşgah Siğorta,  Azər Türk Bank, Fireworks HR Agency, Coca-cola Bottlers Ltd, Azərsun Holding, Holday İnn Hotel Baku, Kapital Bank ASC, JW Marriott Absheron Baku, Rabitabank ASC, Bakı Beynəlxalq Dəniz Ticarət Limanı, Silk Way Bank, European Tobacco Baku ASC, SOCAR Polymer, Kapital Bank ASC, NOVA Digital Solutions, NOVCO Group və başqaları daxildir. Sərgidə iştirak edən gənclər həmin şirkətlərin insan resursları üzrə mütəxəssislərilə görüşmək, CV-lərini təqdim etmək şansı əldə edəcəklər. Burada işəgötürənlər və namizədlər üçün üz-üzə görüşlərin təşkil olunması və məlumat mübadiləsi məqsədilə əlaqələrin qrurulması üçün çox gözəl şərait yaradılacaq.

 

         Qeyd edək ki,  BANM və ASAN Xidmət gənc mütəxəssislərin işlə təmin olunması məsələrinə hər zaman xüsusi diqqət yetirən müəssisələr sırasındadır. Xatırladaq          ki, BANM-ın ötən ilki məzunlarının 100%-i artıq işlə təmin olunub, ASAN Könüllülük Məktəbindən isə bu günə kimi 860-dən çox məzun ASAN kadr işlə təmin edilib.