Xəbərlər

          Bakı Ali Neft Məktəbinin dəvəti  ilə SOCAR AQŞ-nin əməkdaşı Bil Vilyam Cek BANM-in qonağı olub. Ali Məktəbə səfəri zamanı şotlandiyalı mütəxəssis “Əməyin mühafizəsi və təhlükəsizlik texnikası qaydaları” haqqında “SAFETY 21 – cultural change program” adlı seminar keçib. 57 nəfər tələbənin iştirak etdiyi seminar onun iştirakçıları tərəfindən böyük maraqla qarşılanıb. Qonaq Bil Cek öz təqdimatında maraqlı prezentasiya edərək tələbələrə şirkətlərdə əməyin mühafizəsinin vacibiyi və təşkil edilməsi, təhlükəsizlik qaydaları və onlara riayət olunması ilə bağlı dərin bilgilər verib. O həmçinin bu sahədə olan şəxsi təcrübəsindən  danışıb və iştirakçılara maraqlı faktlar səsləndirib. Seminar BANM-in tələbələrinin Şotland mütəxəssisə çoxsaylı sualları ilə yekunlaşıb.